கொல்லும் அல்காரிதம் Kollum Algorithm

கதைச் சுருக்கம்

மும்பை. தேசியப் பங்குச் சந்தை தன் உறுப்பினர்களுக்காக கோ-லொகேஷன் வசதியைத் திறந்த பிறகு ஆட்டமே மாறிவிட்டது. சர்வர்களைச் சந்தையின் அருகிலேயே கொண்டுபோய் வைக்கும் நிறுவனங்கள், ஒரு வினாடியின் மிகச் சிறிய பகுதிக்குள் டீல்களை முடிக்கின்றன. அந்த மில்லிசெகண்டுகளில்தான் இப்போது கோடிகள் புரள்கின்றன.

சூரஜ் அஸட் மேனேஜ்மென்ட்டின் லீட் டெக்னிக்கல் மேனேஜர் அவந்திகா ஷர்மா, தன் நிறுவனம் இழந்த வேகத்தை மீட்க இரவு பகலாகப் போராடுகிறாள். ‘இவால்வ் கேப்பிட்டல்’ என்ற சிறு ஸ்டார்ட்அப்பை நடத்தும் நீல் தாஸ்குப்தாவும் ஜஹாங்கீர் வஜீரும் முதலீட்டாளர்களைத் தேடி அலைகிறார்கள். ‘சுறா’ என்று அழைக்கப்படும் கோடீஸ்வரர் மகரந்த் சிங்கானியா, சொந்த நிறுவனம் தொடங்கும் தன் சிஷ்யன் வேதாந்த்துக்கு ஒரே ஒரு அறிவுரை சொல்கிறார்: ‘இரை ஆகாதே!’

இதற்கிடையில், ஒரு பெயரில்லா யோகி மின்னஞ்சல்கள் வழியாகத் தன் சீடர்களை வழிநடத்துகிறார். அவர் காத்திருந்தது ஒரு ‘சாவி’க்காக. செபியின் விஸில்ப்ளோயர் மெயில்பாக்ஸில் குவிந்து கிடக்கும் புகார்களைப் பிரிக்கும் பொறுப்பு இளம் அதிகாரி ஜாரா படேலுக்கு வருகிறது. யாரும் கேட்காத புகார்களை அவள் கேட்கத் தொடங்குகிறாள்.

பேராசை, பக்தி, தொழில்நுட்பம் மூன்றும் சந்திக்கும் இடத்தில், உண்மையை நெருங்கும் ஒவ்வொருவரையும் சுற்றி ஒரு வலை இறுகுகிறது. ‘நிழல் உலக ஒழுங்கு’ தொடரின் முதல் நாவல்.