இரத்தப் புதையல் Ratha Pudhaiyal — Blood Treasure

கதைச் சுருக்கம்

கிரீன்லாந்தின் ஒரு குளிர்கால நள்ளிரவு. யார் கண்ணிலும் படாமல் ஒரு சீ-பிளேன் கடலில் இறங்குகிறது. அதிலிருந்து இறங்கியவன் நூக் நகருக்குள் சரியாக 42 நிமிடங்கள் இருக்கிறான். திரும்பும்போது அவன் கையில் ஒரு சிம் கார்டு. அதற்குள் ஒரே ஒரு சிவப்புப் புள்ளி: ஆர்க்டிக் வட்டத்துக்கு மேலே, மனித நடமாட்டமே இல்லாத பனிப்பாலைவனத்தில் புதைந்திருக்கும் ஒரு புதையல்.

அது தங்கம் அல்ல. எதிர்கால தொழில்நுட்பத்தை ஆளப்போகும் ‘ரேர் எர்த்’ கனிமங்கள். அந்தச் சரக்கு யாருக்கும் தெரியாமல் கள்ளச்சந்தையில் ஏலத்துக்கு வருகிறது என்ற சேதி கசிந்ததும், உலகின் நிழல் சாம்ராஜ்யங்கள் விழித்துக்கொள்கின்றன.

இந்தோ-ரஷ்யக் கூட்டமைப்பின் தலைவர் பிரதம் ‘டைகர்’ வாக், தன் மிக விசுவாசமான தளபதியான ‘பிளட் ப்ரீஸ்ட்’ ருதிர் ரித்விஜைக் களமிறக்குகிறார். கலபிரியாவின் டி லூகா குடும்பத்தில், கேம்பிரிட்ஜில் படித்து ஆறு மொழிகள் பேசும் பேரழகி வலேரியா டி லூகா, தான் சாம்ராஜ்யத்தின் வாரிசு என்பதை நிரூபிக்கக் காத்திருக்கிறாள். ஈக்வடாரில், சாமியாரைப் போல அமைதியான இளம் தலைவன் ஜெய்ம் பிளாங்கோ, சிதைந்த தன் படையை மீண்டும் கட்டியெழுப்பத் துடிக்கிறான்.

லண்டன் கிளப்களில் தொடங்கி, டுப்ரோவ்னிக் சந்திப்புகள் வழியே, உறைந்த பனிப்பாலைவனம் வரை நீளும் சதி வலை. மூளைக்கும் மூர்க்கத்துக்கும் இடையிலான இந்த ஆட்டத்தில், பனி உடையும்போது ரத்தம் கொட்டும்.